थप निम्हेसित स्वाइन फ्लु
नेपालय् स्वाइन फ्लु दुहाँवःगु पुष्टि जूगुया छुं दिं मदयेवं हे स्वाइन फ्लुया ल्वगित मेपिं निम्ह अप्वःगु दु । थ्वलिसे नेपालय् स्वाइन फ्लुपाखें प्रभावित जूपिनिगु ल्याः न्याम्ह थ्यंगु दु ।
अमेरिकापाखें कतार जुयाः नेपाः लिहांवःपिं छखा हे छेँया स्वम्ह दुजःतय्त स्वास्थ्य परीक्षण याःवलय् स्वाइन फ्लुया जीवाणु एच. वान. एन. वान. भाइरस लुयावःगु ख । थ्व स्वयां न्ह्यः स्वाइन फ्लु संक्रमणया पुष्टि जूगु छखा हे छेँया जःलाखःलाया झिंन्ह्यदँ दुम्ह मिसा मचायात नं स्वाइन फ्लुया शंकाय् स्वास्थ्य जाँच याःबले उगु जीवाणु लुयावःगु खः ।
म्हिगः याःगु स्वास्थ्य परीक्षणया रिपोर्ट थौं सार्वजनिक यासें इपिडिमियोलोजी व सरुवा रोग नियन्त्रण महाशाखाया निर्देशक डा. सेनेन्द्रराज उप्रेतीं स्वाइन फ्लु प्रभाविततय्गु वासः जुयाच्वंगु जानकारी बियादीगु दु ।
आः हाकनं स्वाइन फ्लु न्यंके मबीकेगु निंतिं विशेष उपाय छ्यःसें विमानस्थल व सीमा नाकाय् नं स्वास्थ्य परीक्षणया व्यवस्था याःगु दु ।
