अनमिनया भविष्यया विषयस सहलह
संयुक्त राष्ट्रसंघया सुरक्षा परिषद्या दुजः राष्ट्रया नेपाःसंच्वंपिं राजदूततय्सं बिहीवा: राष्ट्रसंघीय नेपाल मिसन अनमिनया प्रमुख कारिन ल्यानग्रेनलिसे नेपाःया शान्ति प्रक्रिया व अनमिनया भविष्यया विषयस सहलह या:गु दु ।
राष्ट्रसंघीय सुरक्षा परिषद्या विधान १८६४ या आधार कथं वइगु जुलाइ २३ खुन्हु ई फुइ त्यंगु अनमिनया ई हाकनं तनेमाःगु अवस्था वःगु खँय् वय्कःपिंसं च्यूताः प्वंकूगु दु । नेपाःया शान्ति प्रक्रियाप्रति थःपिनिगु न्ह्याबलें ग्वाहालि दइगु धयादिसें राजदूततय्सं तर अनमिनं ज्याया भाःला पूवंकाः याकनं लिहांवनेगु अवस्था वयेकेगु निंतिं नेपाःया राजनीतिक दलतय्सं लकस दयेकेमाःगु खँय् ब: ब्यूगु खँ अनमिन स्रोतं जानकारी ब्यूगु दु । वइगु जुलाई २०य् सुरक्षा परिषद्य् राष्ट्रसंघीय मू छ्यञ्जे वानकी मुनया नेपाः सम्बन्धी प्रतिवेदन दथुइ सहलह जुइत्यंगु दु ।
