चलखं ल्हानाः गुम्ह सित
येँ / (सन्ध्या टाइम्स) देय्या थीथी थासय् वा वयेगु शुरु जुइवं थीथी थासय् चलः वनाः गुम्ह सीगु दुसा आपालं धनजनया क्षति जूगु दु ।
वंगु चान्हय् वःगु चलखं ल्हानाः कास्कीइ छगू हे परिवारया स्वम्ह दुजः सीगु दु । कास्कीया देउराली गाविस वडा नं। ८ ठूलो भकोरीइ वःगु चलखं स्थानीय शेरबहादुर गुरुङया छेँ दुनाः वया मां मंगला गुरुङ म्ह्याय्िपं २५ दँया सोनी गुरुङ व दत्या दुम्ह पूर्णिमा गुरुङ सीगु खः । पिने छु जूगु धकाः स्वः वःम्ह शेरबहादुर गुरुङ व वया कलाः धाःसा बचे जूगु दु ।
उखे मुगुया शेरा गाविसय् नं चलखं ल्हानाः स्वम्ह सीगु दु । अन दयेकाच्वंगु सतक म्हुइगु ज्या यानाच्वंपिं रामबहादुर बुढा नरबहादुर बुढा व रत्न बुढा सीगु खः ।
अथे हे तनहुँलय् नं चान्हय् चलः वयाः छेँय् द्यनाच्वंपिं कृष्णबहादुर भुजेल वया कलाः भगवती भुजेल व म्ह्याय् सीमा भुजेल सीगु खः । लिसें अन लहिना तःिपं म्येय् दुगु आदि वस्तु नं सीगु खँ स्थानीय प्रहरीं धाःगु दु ।
या लिच्वः लाःसां थन याकनं भाः थकायेगु योजना धाःसा मदुगु खँ नं वय्कलं कनादिल ।
