आयल निगमयात लय् १० करोड द्यापं
येँ / (सन्ध्या टाइम्स) अन्तर्राष्ट्रिय बजारय् पेट्रोलियम पदार्थइँ भाः थहां वनेवं लबः शुरु याःगु नेपाल आयल निगम आः हानं घाटाय् वनीगु जूगु दु । आयल निमगया प्रवक्ता मुकुन्दप्रसाद ढुंगानां थ्वहे जुलाई महिनांनिसें आयल निगमयात लय् १० करोड तका द्यापं घाटा जुइगु खँ थौं सुथय् 'सन्ध्या टाइम्स' यात कनादिल ।
वय्कःया कथं न्हापा अन्तर्राष्ट्रिय बजारय् प्रति ब्यारेल ४० डलर थ्यनाच्वंगु कच्चा चिकंया भाः आः थहां वनाः ७१ डलर थ्यंगुलिं निगम घाटाय् वनेत्यंगु खः ।
अन्तर्राष्ट्रिय बजारय् पेट्रोलियम पदार्थया भाः थहां वंसां नेपालय् धाःसा भाः थकायेगु तयारी मजूनिगु खँ नं वय्कलं कनादिल ।
'न्हापा अन्तर्राष्ट्रिय बजारय् भाः कुहां वःगु इलय् निगमं नं भाः क्वकयागु खः तर आः भाः थकायेगु निंतिं छुं नं कथंया निर्णय मजूनि' प्रवक्ता ढुंगेलं कनादिल ।
'अन्तर्राष्ट्रिय बजारय् भाः कुहां वःगु इलय् आयल निगमयात लबः दुगु खःसां आः धाःसा घाटाय् वनीगु निश्चित दु' वय्कलं न्ह्यःने धयादी ।
भारतय् पेट्रोलियम पदार्थया भाः थहां वंगुलिं नेपालय् नं उकि
