वजेट हयेत आयोगय् दुजः नियुक्त
येँ / (सन्ध्या टाइम्स) म्हिगः च्वंगु मन्त्री परिषदया बैठकं राष्ट्रिय योजना आयोगया दुजलय् थीथी व्यक्तित्विपंत नियुक्त याःगु दु । थुगु आर्थिक दँया वजेट निर्माणया ज्यायात विशेष रुपं प्राथमिकता बीगु निंतिं थ्व नियुक्त याःगु खँ सीदुगु दु ।
योजना आयोगया दुजलय् आः नकतिनि नियुक्त जुयादीपिं डा. पष्कर वज्राचार्य, डा. तीर्थ खनिया व डा. चेतराज पन्तिपं जुयादी ।
ताः ई न्ह्यः निसें संसद अवरुद्ध जुयाच्वंगु कारणं थुगु आर्थिक दँ क्वचाये त्ययेकाः तकं वजेट सार्वजनिक जुइ फयाच्वंगु मदु ।
सरकारं आः वयाः असारया अन्तिम इलय् जूसां वजेट हयेगु तयारी यानाचवंगु नं सीदुगु दु ।
सरकारं थ्व स्वयां न्ह्यः आयोगया पुलांम्ह दुजः नापं अर्थशास्त्री डा. युवराज खतिवडायात आयोगया उपाध्यक्षय् नियुक्त यायेधुंकूगु दु ।
सेडाया पुलांम्ह प्रमुख जुयाः ज्या यानादीधुंकूम्ह डा. वज्राचार्य योजना प्रक्रियाय् नांजाःम्ह अर्थशास्त्री खःसा खनिया शिक्षा क्षेत्रय् व पन्त अर्थशास्त्रया विज्ञ खः ।
