भारतय् चिकंया भाः थहां वन
बीबीसी / (सन्ध्या टाइम्स)भारतय् एनपिए गठबन्धनया न्हूगु सरकारं थौं वंगु चान्हसं निसें लागू जुइकथं पेट्रोल व डिजेलय् भाः थकाःगु दु ।
भारत सरकारं पेट्रोलय् प्यतका व डिजेलय् नितका दां प्रतिलिटर थकाःगु खः । तर मचिकं व ग्यासया भाः धाःसा यथावत हे तिनि ।
अन्तर्राष्ट्रिय बजारय् कच्चा चिकंया भाः प्रति व्यारेल चालिस डलरं थहां वनाः ७१ डलर थ्यंगु दु । थुकिं यानाः चिकं बजारं फयेमालाच्वंगु द्यापं नं बढे जुजुं वनाच्वंगु दु ।
उखे छुं न्हि न्ह्यः तक भारतीय बजारय् पेट्रोलय् भाः थहां वनीगु समाचार वयेवं नेपालय् नं थुकिया भाः थहां वनीगु खःला धइगु शंका ब्वलंगु खःसा नेपाल आयल निगमं धाःसा आः तक भाः थकायेगु विषयस छुं आधिकारीक निर्णय मजूनिगु खँ निगम सुत्रं धाःगु दु ।
