संविधानसभाया मस्यौदाय् विवाद कायम
बुधवाः च्वंगु संविधानसभाया पूर्ण बैठकय् सांस्कृतिक व सामाजिक ऐक्यबद्धता आधार निर्धारण समितिं तय याःगु संविधान सम्बन्धी मस्यौदाय् विवाद जूगु दु ।
समितिं तयार याःगु मस्यौदाय् सहलह यायेत बुधवाः प्यक्वःगु खुशी संविधानसभाया पूर्ण बैठकय् माओवादी जनयुद्धया अपमान जूगु धासें आपत्ती प्वंकूगु खसाः मधेशवादी नेतातय्सं हिन्दी भाय्यात सरकारी ज्याखँया भाय् कथं छय्लेत माग याःगु दु ।
बैठकय् एमालेया सभासद् भीम रावलं खस भाय् नेपाःया सम्पर्क भाय् जूगुलिं थुकीयात हे औपचारिक सरकारी ज्याखँया भाय् कथं छयलेमाः बिचाः प्वंकादीगु खसाः कांग्रेसया दीपकुमार उपाध्यायं भाय् सम्बन्धि निर्णय भाय् आयोगं याइगु जूगुलिं आः थुकीया विषयस विवाद यायेम्वःगु धयादिल । अथेहे तराई-मधेश लोकतान्त्रिक पार्टीया सभासद् हृदेश त्रिपाठीं पहाडय् खास भाय् सम्पर्क भाय् जूगु तर मधेशय् हिन्दी भाय् सम्पर्क भाय् जूगु धयादिल ।
बैठकय् माओवादी सभासद् अग्निप्रसाद साप्कोटां राष्ट्रिय स्वाभिमानया रक्षाया निंतिं न्हूगु संविधानय् जनयुद्ध च्वयेमाः धयादिल ।
