राष्ट्रिय सरकार थ्व हे खः : केसी

नेपाली कांग्रेसया नेता अर्जुननरसिंह केसीं एमाले नेतृत्वय् गठन जूगु सरकार हे राष्ट्रिय सरकार जूगु खँ धयादीगु दु ।

बुधवाः येँय् रिपोटस्र क्लबय् जूगु छगू ज्याझ्वलय् नेता केसीं आःया सरकार हे राष्ट्रिय सरकार जूगुलिं माओवादीयात नं थ्व सरकारय् ब्वति कायेत इनाप यानादिल । माओवादीं थःगु नेतृत्वय् याकनं हे राष्ट्रिय सरकार गठन जुइगु खँ धयाच्वंगु ईलय् वयेकलं थ्व खँ धयादीगु खः । नेता केसीं माओवादीं सरकारय् नं मवइगु व संसद नं अवरोध यानाच्वंगु धासें आपत्ती प्वंकादिल ।

अथेहे माओवादी नेता देव गुरुङं राष्ट्रपतिया पलाः मिभंकूतल्ले संसद चलेजुइ मबीगु खँ धायादीगु दु । वयेकलं सरकारं राष्ट्रपतिया पलाः भिंकेगू ज्या यायेवं संसद चलेजुइबीगु खँ धयादिल ।