सद्भावना नं सरकारय् वनीगु जुल

येँ / (सन्ध्या टाइम्स) एमाले नेतृत्वया सरकारं थःपिंत जक बांबांलाःगु मन्त्रालय काल धकाः सरकारय् मवँसे च्वनाच्वंगु सद्भावना पार्टी नं आः सरकारय् वनीगु जूगु दु । म्हिगः प्रधानमन्त्री माधव नेपाललिसे जूगु सहलह लिपा सद्भावनां सरकारय् वनेगु निर्णय याःगु खः । सद्भावनायात आपूर्ति व विज्ञान तथा प्रविधि मन्त्रालय लगायत स्वम्ह मन्त्री बीगु सहमति जुइवं सरकारय् वनेत तयार जूगु खँ सीदुगु दु । मन्त्री जुइपिनि नां धाःसा मवःनि ।