आईएमईं चुक्तापूँजी १ अर्ब थ्यंकीगु
येँ / (सन्ध्या टाइम्स) आईएमई फाइनान्सियल इन्ष्टिच्यूसनं वइगु दँ तकया दुने संस्थाया चुक्तापूँजी छगू अर्ब थ्यंकेगु योजना दुगु खँ धाःगु दु ।
प्यदँ न्ह्यः तक न्यागू करोड चुक्तापूँजी दुगु कम्पनीं आः नकतिनि पित बिउगु हकप्रद शेयरपाखें नीन्यागू करोड चुक्तापूँजी थ्यंगु खँ धाःगु दु ।
फाइनान्स कम्पनीया छम्ह उच्च अधिकृतं वइगु दँय् छगू अर्ब चुक्तापूँजी थ्यंकेगु निंतिं गृहकार्यय् लगे जुयाच्वनागु जानकारी बिउगु दु ।
थुगु कम्पनीं आः नकतिनि जक थःगु झिंगूगु शाखाया विस्तार याःगु दुसा वइगु आर्थिक दँया अन्त्य तकया दुने नीन्यागू शाखा थ्यंकेगु योजना दुगु नं उम्ह अधिकृतं धाःगु दु ।
लिसें कम्पनीं थुगु दँय् काःगु लबः इनेगु स्थितिइ दुगु जानकारी नं बिउगु दु ।
