८६ क्वःगु पुष्पलाल दिवस हन
येँ / (सन्ध्या टाइम्स) कृषि विकास बैंक मू ज्याकुथी येँपाखें ८६ क्वःगु पुष्पलाल दिवस हन । ज्याझ्वःया मूपाहां शान्ति तथा पुनःनिर्माण राज्यमन्त्री डिल्लीबहादुर महतं पुष्पलालया किपाय् स्वां देछायाः उलेज्या यानादीगु खः ।
ज्याझ्वलय् स्वेच्छिक अवकास योजना २०६५ अन्तर्गत बैंकया निवृत्त कर्मचारीतय्गु सम्मान व बिदाई नं याःगु खः ।
ज्याझ्वलय् पेशागत महासंघ नेपालया सचिव प्रेमलकुमार खनाल कृषि विकास बैंक कर्मचारी संघया अध्यक्ष कविप्रसाद पाठक बैंकया निमित्त प्रमुख कार्यकारी अधिकृत प्रतापबहादुर सिंह कृषि विकास बैंक क्षेत्रीय समिति बागमतिया अध्यक्ष कृष्णप्रसाद खनाल व सेवा निवृत्त कर्मचारीतय्पाखें नवराज शर्मापिसं न्ववानादिल ।
ज्याझ्वलय् मूपाहांपाखें सेवा निवृत्त कर्मचारीतय्त हंगु खः । मदुम्ह पुष्पलालं देश व जनताया लागिं यानादीगु थीथी ज्याया बारे चर्चा जूगु उगु ज्याझ्वलय् कृषि विकास बैंक मुख्य कार्यालय समितिया अध्यक्ष रोशनबहादुर शाक्यं मूपाहां शान्ति तथा पुनः निर्माण राज्यमन्त्री महतयात बुद्धया मूर्ति देछानादीगु खः ।
