जाजरकोटय् झाडा बान्ताया प्रकोप
येँ / (सन्ध्या टाइम्स) जाजरकोट जिल्लाय् झाडा बान्ताया कारणं आपालं मनूत सीधुंकूगु खँ सीदुगु दु ।
अनया छगूत्या स्वयां अप्वः गामय् न्यनावंगु झाडा बान्ताया कारणं जक ३२ म्ह सीधुंकूगु दुसा आपालं मनूत विरामी जुयाः अस्पतालय् भर्ना जुयाच्वंगु दु ।
जाजरकोट जिल्ला अस्पतालया १५ शैय्याया विरामीत मन्ह्यनाः बँय् तयाः वासः यायेमाःगु अवस्था जुयाच्वंगु खँ धाःगु दु ।
गुलिखे विरामीत थाय् मदयाः अन्य थासय् वनाच्वंगु दुसा अस्पतालया विरामी कुरुवातय्त तकं ल्वचं कयेगु शुरु जुयाच्वंगु दु ।
झाडा बान्ताया ल्वगित अप्वया वनाच्वंसां विरामीतय्त माःगु वासःया अभाव धाःसा पूर्ति जुइ मफयाच्वंग खँ अस्पतालं धाःगु दु ।
