'राष्ट्रप्रेम ब्वलंकीगु शिक्षा आवश्यक'
प्रधानमन्त्री माधवकुमार नेपालं अप्वयां वंगु प्रतिस्पर्धा नापं गुणस्तरीय शिक्षा बीगु हे त्रिभुवन विश्वविद्यालयया तःधंगु हाथ्याः जूगु खँ धयादीगु दु ।
बुधवाः त्रिभुवन विश्वविद्यालया स्वर्ण जयन्तीया लसताय् ग्वसाः ग्वःगु छगू ज्याझ्वलय् प्रधानमन्त्री नेपालं व्यवहारिक, व्यवसायीक व राष्ट्रप्रेम पिज्वइगु शिक्षाया थौंया आवश्वयकता जूगुलिं त्रिविं अज्याःगु शिक्षाय् बः बीमाः धयादिल ।
अथेहे बुधवाः हे सिमा समस्या, ईलय् हे संविधान निर्माण यायेमाःगु लगायत स्वीस्वंगु बुँदे मागपौ लःल्हायेत प्रधानमन्त्री निवास बालुवाटार थ्यंकुपिं जनमोर्चा नेपालया नेतात नाप खँल्हासें प्रधानमन्त्री नेपालं व्यवस्थापिका संसदया गतिरोध अन्त्य यायेत सरकारं लचकता क्यनीगु खँ धयादीगु दु । वयेकलं दलत दथुइ सहमति बिना ईलय् संविधान निर्माण जुइमफइगुलिं माओवादीं नं लचकता क्यनेमाः धयादिल ।
