स्वंगु दलया बैठक स्थगित

ससंद सुचारु यायेगु निंतिं थप सहलह यायेत बुधवाः च्वनीगु धाःगु प्रमुख स्वंगु दलया बैठक स्थगित याःगु दु ।

माओवादीं आन्तरिक सहलह यायेत अझ ई माग या:गुलिं बैठक स्थगित याःगु खः । माओवादी संसदीय दलया उपनेता नारायणकजी श्रेष्ठ 'प्रकाशं' एमाले महासचिव ईश्वर पोखरेलयात टेलिफोन यानाः बैठक स्थगित यायेत इनाप याःगु ख: । नेता प्रकाशं माओवादी अध्यक्ष पुष्पकमल दाहाल 'प्रचण्ड' येँ नं पिने वनाच्वंगु व पार्टी दुने सहलह याये मसिधःगुलिं थप ई माःगु खँ धाःगु दु ।