कोइरालायात पावेलया आग्रह
येँ / (सन्ध्या टाइम्स) नेपाःया निंतिं अमेरिकी राजदूत नान्सी जे पावेलं नेपाली कांग्रेसया सभापति गिरिजाप्रसाद कोइरालायात नापलानाः खँल्हाबल्हा यानादीगु दु । उगु इलय् राजदूत पावेलं नेपाःया राजनीतिक अवस्थायात कयाः चिउताः प्वंकादीगु खःसा सभापति कोइरालां सरकार संचालनया निंतिं याकनं हे राजनीतिक संयन्त्र दयेकेत्यनागु व उगु संयन्त्र गठन जुइवं आःया राजनीतिक समस्या ज्यनीगु बचं बियादीगु खः । राजदूत पावेलं थः याकनं स्वदेश लिहां वने त्यनागु जानकारी नं बयादीगु खः ।
उखे कोइरालां थौं कांग्रेसया न्हय्म्हं मन्त्रीतय्त सःताः सहमित दयेकाः बांलाक ज्या यायेत निर्देशन बियादीगु दु ।
