फिरौटी पुलं नं व्यापारी त्वःता महः
येँ / (सन्ध्या टाइम्स) नेपालगञ्जया अपहरित व्यापारी गौरवकृष्ण रस्तोगीयात मुक्त यायेगु निंतिं प्रहरी प्रशासनं माःगु भूमिका मम्हितू धासें थौं नेपालगाजया व्यापारीतय्सं नेपालगाज बन्द यात । व्यापारीतय्सं अपहरित रस्तोगीयात सकुशल मुक्त यायेमाःगु माग यानाच्वंगु दु ।
छुं न्हि न्ह्यः अपहरणय् लाःम्ह व्यापारी रस्तोगीयात अपहरण मुक्त यायेगु निंतिं वया छेँजःपिंसं ७ लाख तका फिरौटी बीधुंकूगु दु । फिरौटी बीधुंकाः रस्तोगीयात त्वःता महसेंलि स्थानीय व्यापारीतय्सं थौं नेपालगञ्ज बन्दया आह्वान बन्द याःगु खः ।
बन्दं यानाः नेपालगञ्जया कल-कराखाना बजाः बन्द जुयाच्वंगु दु । थौं हे व्यापारीतय्सं जिल्ला प्रशासन ज्याकुथी ज्ञापनपत्र बीगु तयारी नं व्यापारीतय्सं यानाच्वंगु दु । अनया धम्बोजी चोकय् मुनाः छगू जुलुस सहित जिल्ला प्रशासन कार्यालयय् ज्ञापनपत्र बीगु लिसें सकलें व्यापारीतय्सं अन धर्ना बीगु ज्याझ्वः नं दयेकातःगु दु ।
