लोटस रिसर्चपाखें सम्मान
यल / (सन्ध्या टाइम्स) लोटस एकेडेमिक कलेजय् पि।जि।डि इन बुद्धिष्ट स्टडीज २०६५ ब्याचया परीक्षाय् उत्कृष्ट विद्यार्थीपिनिगु हनाय् छगू सम्मान ज्याझ्वः क्वचाल ।
कलेजया अध्यक्ष प्रा.डा. वज्रराज शाक्यया सभापतित्वय् त्रि.वि. डीन प्रा.डा. नवराज कडेलया प्रमुख अतिथिइ जूगु उगु ज्याझ्वलय् उत्कृष्ट विद्यार्थी अनुला शाक्ययात मेडल व सफु देछासें सम्मान याःगु खःसा ताःलाःपिं मेपिं झिम्ह विद्यार्थीपिंत नं सम्मान यायेगु ज्या जुल ।
ज्याझ्वलय् मूपाहांपाखें लोटस रिसर्च सेन्टरय् संकलित जुयाच्वंगु डिजिटल श्रोतयात विद्यार्थी स्कलर व बुद्धधर्म प्रति जिज्ञासु व्यक्तिपिनिगु सुविधाया लागि डिजिटल लाइब्रेरीया उलेज्या यासे कलेज व सेन्टरं याना वयाच्वंगु ज्या प्रंशंसनीय जूगु बिचाः प्वंकादिल । अथे हे त्रि.वि. मनोविज्ञान केन्द्रिय विभागया प्रमुख प्रा.डा. शिशिर सुब्बाजुं कलेजया उन्नतीया निंतिं कामना यानादिल ।
कलेजया प्रिन्सिपल डा. भद्ररत्न वज्राचार्यजुं लसकुस यानाः न्ह्याःगु ज्याझ्वलय् सम्मानित विद्यार्थी अनुला शाक्यं लोटस एकेडेमिक कलेजया स्थापनां बुद्धधर्म सम्बन्धी अध्ययन यायेत यक्व अःपूगु खँ कनादिल । ज्याझ्वलय् सेन्टरया सचिव सुरेन्द्रमान वज्राचार्यं सुभाय् देछाःगु खः ।
