झिंन्यासः खाचा नष्ट
हेटौंडा / (सन्ध्या टाइम्स) जिल्ला पशु सेवा कार्यालय मकवानपुरं वंगु आइतवाः झिंन्यासः खाचा नष्ट याना बिउगु दु ।
अवैध रुपं भारतं वीरागजया लँपु जुयाः आइतवाः सुथय् माइक्रोबसया सुचुका हेटौडा यंकाच्वंगु इलय् चेकजाँचका झ्वलय् इलाका प्रहरी कार्यालय पशुपतिनगरं खाचा ज्वंगु खः । प्रहरीं खाचा ज्वनेवं जिल्ला पशुसेवा कार्यालय हेटौंडाया रोहबरय् नष्ट याःगु खः । खाताया बिल व स्वास्थ्य प्रमाणपत्र मदुगुया लिसें भारतं हःगुलिं खाचा नष्ट यायेमाःगु खँ पसु चिकित्सकतय्सं धाःगु दु ।
भारतय् थौंकन्हय् नं बर्डफ्लु ल्वय् अझं दनीगुलिं जुयाः नेपालय् नं ल्वय् न्यने फइगु आशंका यानाः सरकारं पंक्षी आयात यायेगु प्रतिबन्ध तयातःगु दु ।
