सतक दुर्घटनाय् स्वम्ह सीत

लमही सतक खण्डय् मंगलवाः न्हिनय् जूगु सवारी दुर्घटनाय् स्वम्ह घटनास्थलय् हे सीगु दु ।

लमहीं घोराही पाखे वयाच्वंगु ना. ३. ख. ४९०१ नम्बरया बस व घोराहीं लमहीपाखे वयाच्वंगु रा. १. प. ३८७५ नम्बरया मोटरसाइकल घोराही नगरपालिका-४ कटवा खुशी नापसं दुर्घटना जूगु खः । दुर्घटनाय् मोटरसाइकलय् सवार ढिकपुर-४ च्वनीम्ह दिपेन्द्र बिक व रामपुर निवासी अञ्जु गौतमया घटनास्थलय् हे सीगु खः ।

अथेहे बस अनियन्त्रित जुया ठक्कर ब्यूवलय् लँजुवाः घोराही नगरपालिका-६ गिठेपानीया स्वीदँया राज बुढा नं घटनास्थलय् हे सीगु खः । घटना बारे थप अनुसन्धान जुयाच्वंगु खँ जिल्ला प्रहरी ज्याकूथी धाःगु दु ।