सरकार याकनं क्वदली : प्रकाश

एकीकृत नेकपा (माओवादी) संसदीय दलया उपनेता नारायणकाजी श्रेष्ठ 'प्रकाशं' आःया सरकार याकनं हे क्वदलीगु दाबी यानादीगु दु ।

मंगलवाः येँय् जूगु छगू साक्षात्कार ज्याझ्वलय् न्ववायेगु झ्वलय् नेता प्रकाशं माधवकुमार नेपालं नेतृत्व याःगु सरकारया दिनगन्ति सुरु जूगु धयादिल । वेयकलं नागरिक सर्वोच्चतायात प्रहार यानाः थ्व सरकार गठन जूगु धासें आन्तरिक कलहया कारणं हे थ्व सरकार क्वदलीगु दाबी यानादिल ।

वयेकलं थ्व सरकारं नागरिक सर्वोच्चताय् प्रहार यानाः सम्राज्यवादीतय् ग्वाहालिइ गठन जूगुलिं थ्व सरकार ध्वस्त यानाः माओवादीया नेतृत्वय् सरकार गठन जुइगु धयादिल । वयेकलं सत्तारुढ दलत दुने आःया सरकार प्रति तिव्र असन्तुष्टि दुगुलिं राष्ट्रिय सरकारया विकल्प मदुगु धयादिल ।