'सहमतीया आधारय् राष्ट्रिय सरकार'

एकिकृत नेकपा (माओवादी)या नायः पुष्पकमल दाहाल 'प्रचण्डं' याकनं हे सहमतीया आधारय् राष्ट्रिय सरकार गठन जुइगु खँ धयादीगु दु ।

म‌ंगलवा: चितवन थ्यंकादीम्ह प्रचण्डं भरतपुरय् कार्यकर्तात नापलानादिसें उगु खँ धयादीगु खः । माओवादीया नेतृत्वय् राष्ट्रिय सरकार दयेकीगु खँय् कार्यकर्तातय्त ढुक्क जुइत वय्कलं इनाप यानादीगु दु । राष्ट्रिय सरकार दयेकेगु निंतिं गृहकार्य जुयाच्वंगु नं वय्कलं धयादीगु दु ।

कार्यकर्ता नापलाये ज्या ज्याझ्वलय् पत्रकारतय्त धाःसा दुथ्याके ब्यूगु मदु । पोलीटब्युरो बैठक सिधयेवं हे नायः दाहाल निजी भ्रमणया झ्वलय् गृह जिल्ला चितवन थ्यंकादीगु खँ नेकपा मओवादी चितवनं जानकारी ब्यूगु दु ।