माओवादीया नेतृत्वय् मेगु सरकार दयेकेहे मफइगु : निधि

नेपाली कांग्रेसया महामन्त्री विमलेन्द्र निधिं एकीकृत नेकपा (माओवादी)या नेतृत्वय् मेगु सरकार दयेकेहे मफइगु दाबी यानादीगु दु ।

रिपोर्टस्र क्लब नेपालया साक्षात्कारय् न्वंवासें निधिं वर्तमान सरकार संविधानसभाय् प्रतिनिधितित्व याइगु नीनिगू दलया समर्थनय् दयेकूगुलिं परिवर्तन मजुइगु धयादीगु दु । माधवकुमार नेपालया नेतृत्वया सरकारयात सुनां नं क्वःथले मफइगु धासें वय्कलं माओवादीं राष्ट्रिय मंका: सरकारया खँ ल्हायेगु बेमौसमया बाजा जूगु दाबी यानादीगु दु । माओवादीया हे कारणं वयागु नेतृत्वया सरकार क्वःदःगु लिं थःगु हे नेतृत्वय् मेगु सरकार दयेके धइगु खँय् छु नं तुक मदुगु निधिया धापू दु । राष्ट्रिय सहमति दयेके फइगु तर राष्ट्रिय मंका: सरकार धाःसा गबले नं दयेके मफइगु वय्कःया धापू दु ।