काभ्रेया फुक्क गाविसया ज्याकुथिइ तालाबन्दी
ताम्सालिङ संयुक्त संघर्ष समितीं थौं काभ्रेया फुक्क गाविस ज्याकुथिइ तालं ग्वयाः ब्यूगु दु । नेपाल सरकार व ताम्सालिङ संयुक्त संघर्ष समिति दथुइ जूगु झिंगुंगू बुँदे सहमति कार्यान्वयन मजूगु धासें ताम्सालिङ राज्यया फुक्क जिल्लाया गाविसय् तालाबन्दि यायेगु भुवलय् थौं काभ्रेया च्ययेन्ह्यगू गाविसय् तालाबन्दि याःगु खः । ताम्सालिङ् संघर्ष समितीं राज्यया स्थानीय निकाय गाविसया अविलम्ब गठन यायेमाःगु, स्थानीय निकायस जनसंख्याया आधारय् समानुपातिक प्रतिनिधित्व याकेमाःगु माग याःगु दु ।
अथेहे तामाङ जातीया बाहुल्य दुगु गाविसय् तामाङ हे गाविस छ्याञ्जे जुइमाःगु माग तःगु दु । समितिं श्रावण तक नं सरकारं थःपिनिगु मागयाबारे सम्बोधन मयाःसा प्रत्येक जिल्लाय् थःपिंसं हे परिषद्या बैठक तयेगु जानकारी ब्यूगु दु । समितीइ माओवादी, एमालेम कांग्रेस लगायतया गुंगू संगठन आवद्ध दु ।
