माओवादी व एमाले दथुइया वार्ता निष्कर्ष विहीन
संसदया गतिरोध चीकेत साभमुख पाखें राष्ट्रपतियात इनाप
सत्तारुद्ध नेकपा (एमाले) व एकीकृत नेकपा (माओवादी) दथुइ संसद गतिरोध अन्त्य यायेगु निंतिं च्वंगु बैठक बिना निष्कर्ष क्वचाःगु दु ।
सोमवाः माओवादी संसदीय दलया ज्याकू सिंहदरवारय् च्वंगु बैठकय् संसदया गतिरोध यायेगु बारे खँल्हाबंला जुसां एमालें राष्ट्रपति व प्रधानसेनापतिया नां हे न्यने चाहे मजूगुलिं थौंया बैठकय् छुं निर्णय जुइ मखुगु खँ माओवादी संसदीय दलया उपनेता नारयणकाजी श्रेष्ठ 'प्रकाशं' जनाकारी बियादिल । अथेहे प्रधानमन्त्रीया राजनीतिक सल्लहाकार रघुजी पन्तं कांग्रेस नाप सहलह यानाः जक माओवादीया माग बारे न्ह्यावनेफइगु धयादिल ।
थौं हे एमाले व कांग्रेस दथुइ माओवादी ल्ह्वंगु मागया बारे सहलह जूगु दु । निगू दल दथुइ माओवादी ल्ह्वंनाच्वंगु माग मध्ये पूवंकेफइगु मागत बारे सहलह जूगु ख: ।
अथेहे एमालें राजनीतिक गतिरोध अन्त्य व संसदया गतिरोध यायेगु निंतिं एमाले महासचिवया नेतृत्वय् वार्ता पुचः गठन याःगु दु । शान्तिमन्त्री रकम चेम्जोङया कथं थ्व पुचलं माओवादी सहित संसदय् दुथ्याःगु नीन्याःगुलिं दलनाप वार्ता यानाः संसदया गतिरोध व राजनीतिक गतिरोध चीकेत पहल याइ धयादिल ।
संसदया गतिरोध चीकेत साभमुख पाखें राष्ट्रपतियात इनाप
सभामुभ सुवासचन्द्र नेम्वाङं राष्ट्रपति डा. रामवरण यादवयात संसदय् जुयाच्वंगु गतिरोध चीकेत पहल यानाबीत इनाप यानादीगु दु ।
सोमवाः राष्ट्रपतिया ज्याकू शितलनिवास वनाः सभामुख नेम्वाङं हिउँदे अधिवेशन क्वचायेका बजेत अधिवेशन न्ह्याकेमाःगु ई जुइधुंकूसां व्यवस्थापिका संसदय् जुयाच्वंगु निरन्तर अवरोधया कारणं अथे यायेमफूगु जानकारी बियादीगु खः । राष्ट्रपति यादवं थः थ्व खँय् अतिकं गम्भिर जूगु धासें संसदया गतिरोध चीकेत थम्हं फुगु कथं ग्वाहालि यायेगु प्रतिबद्धता प्वंकादीगु खः ।
