सदन न्ह्याकेत सभामुख सक्रिय
येँ / (सन्ध्या टाइम्स) ताः इलंनिसें अवरुद्ध जुयाच्वंगु सदन बारे थौं सभामुख सुभाष नेम्वाङ्गं राष्ट्रपति डा। रामवरण यादवलिसे खँल्हाबल्हा यानादीगु दु ।
राष्ट्रपति भवन शितल निवास झायाः सभामुख नेम्वाङ्ग उगु खँल्हाबल्हा ब्याकादीगु खः । खँल्हाबल्हाया झ्वलय् चिकुलाया अधिवेशन याकनं यायेमाःगु खःसां माओवादीं सदन न्ह्याके तकं मबियाच्वंगु बारे सहलह जूगु खः ।
थ्वहे झ्वलय् न्हिथं सदन अवरुद्ध जुयाः सदनया ज्या प्रभावित जुइवं सभामुख नेम्वाङ्गं सदन सुचारु यायेत थःगु सकि्रयता अप्वयेके त्यंगु खँ धाःगु दु । सदन न्ह्याकेत वय्कलं थीथी राजनीतिक पार्टीया नेतात नापलानाः खँल्हाबल्हा यायेगु तयारी यानाच्वंगु दु ।
