शेयर बजाः कुहां वंगुलिं लगानीकर्ता निराश
येँ / (सन्ध्या टाइम्स) थगुनेया आर्थिक दँया अन्त्यया इलय् शेयर भाः थहां वनेगु यानाच्वंगु खःसा थुगु आर्थिक दँया झ्ण्डै अन्तिम ई थ्यने धुंकाः नं शेयर बजाः न्हिथं कुहां वनाच्वंगुलिं शेयर लागनीकर्तात निराश जूगु दु ।
थुगु वाःया शुरु नं शेयर भाः थहां वनीगु खःला धइगु आशा लगानी कर्तातय्सं याना वयाच्वंगु खः तर आशा याःगुया पाय्छि अःखः शेयर बजारय् नेप्से कुहां वंग दु । आइतवाःया शेयरय् बजारय् कारोवार जूगु आपालं कम्पनीत घाटाय् वंगु दु ।
न्हिथं शेयर बजाः कुहां वनाच्वंगुलिं न्हूगु बैंक व वित्तीय संस्था चायेकीपिंसं न्ह्यःने वये फयाच्वंगु मदु ।
उल्लेख्य व्यापार याना वयाच्वंगु एभरेष्ट हिमालयन नविल बैंकया शेयर भाः कुहां वंगु दु ।
वंगु छुं ई न्ह्यःनिसें बैंकिङ क्षेत्रया शेयर भाः सन्तोषजनक रुपं थहां वनेफयाच्वंगु मदुनि ।
