वीरगंज भंसारं मोटरसाइकल अप्वः दुहां वल
येँ / (सन्ध्या टाइम्स) न्हू न्हूगु प्रविधिया यातायातया साधन उत्पादनया लिसें उकि बजाः नं तःधं जुजुं वनाच्वंगु दु । थज्याःगु साधन छ्यलेगु पाखें नेपाःमि उपभोक्तात नं लिउने मलाः ।
वीरगंज भंसारपाखें प्राप्त जानकारी कथं आर्थिक दँ ०६५/६६या जेठया अन्त तकया दुने जक थुगु भंसार जुयाः स्वंगू अर्ब गुंगू करोड स्वीछगू लाख बराबरया मोटरसाइकल आयात जूगु दु । वीरगंज भंसार जुया वःगु थुपिं दक्वं मोटरसाइकल नियम कथं भंसार महसुल पुलाः हःगु खः ।
थीथी मोडेलया मोटरसाइकल जक प्यंगू अर्ब स्वीखुगू करोड चय्च्यागु लाख बराबरया ७० ६१९ थान दुहां वःगु दु ।
भंसार महसुल पुलाः हःगु कार भ्यान जीपया ल्याः जक ४८३३ थान दु । थुगु सवारी साधन निगू अर्ब ख्वीप्यंगू करोड ४१ लाख बराबरया खः ।
