रोजगारया निंतिं न्हय्गू लाखं फाराम भरे यात
येँ / (सन्ध्या टाइम्स) नेपाःया आपालं वेरोजगार ल्याय्म्हत पशुपालन व्यवसायपाखे आकर्षित जूगु खँ सीदुगु दु । युवा तथा साना स्वरोजगार कोषपाखें ध्यबा कयाः व्यवसाय यायेगु निंतिं फाराम भरे याःगु आधारयात स्वयेबलय् पशुपालन यायेगु अप्वः आकर्षित जूगु खने दु ।
देय्न्यंकंया न्हय्गू लाखं मल्याक वेरोजगारतसें फाराम भरे याःगुली १ गु लाख ख्वीद्वलं पशुपालन व्यवसाय यायेगु खँ न्ह्यथंगु दु । थ्वयां लिपा खुद्रा व्यापार याये चाहे जूपिनिगु ल्याः चय्न्याद्वः दु । अथे हे डिपार्टमेण्टल स्टोरया व्यवसाय् याये चाहे जूपिनिगु ल्याः छगू लाख न्हय्निद्वः दु ।
कोषपाखें पित बिउगु फाराम भरे या:पिं मध्यय् छगू लाख प्यद्वः दलितत दुसा जनजातितय् ल्याः निगू लाख झिंन्याद्वः व झिंप्यद्वः द्वन्दपीडितत दु । मिस्तय् ल्याः ४० प्रतिशत दु ।
