मैत्रेय युवा संघपाखें ध्यान शिविर
ख्वप / (सन्ध्या टाइम्स) अप्वयाच्वंगु सामाजिक अपराध मानसिक विचलन व विकृतियात म्हो यानाः शान्ति सुचरित्र विकास यायेत मैत्रेय युवा संघपाखें अन्तर्राष्ट्रिय भावना केन्द्र शंखमूलया सकृयताय् छन्हुया ध्यान शिविर क्वचाल । ख्वपया थथुबही जयकीर्ति विहारय् जूगु उगु शिविरय् झिदँनिसें झिंच्यादँ तकया भाजु मय्जुपिंसं ब्वति कयादिल । ज्याझ्वलय् प्रशिक्षकिपं अनागारिका अग्गाणी विमलाणी व सविता धाख्वाः सानुकाजी शाक्य व हेमबहादुर शाक्यिपंसं प्रशिक्षण बियादीगु खः ।
सुथय् ७ बजेनिसें सन्ध्या ईया ६ बजे तक जूगु शिविर अष्टशिल ग्रहण यासें शुरु जूगु खः । संघया अध्यक्ष तीर्थराज बज्राचार्यं लसकुस यानादीगु ज्याझ्वलय् हेमबहादुर शाक्यं सुभाय् देछानादीगु खः ।
