वन उपभोक्तापाखें नागरिक बडापत्र जारी
ख्वप / (सन्ध्या टाइम्स) वन उपभोक्ता महासंघ नेपाल भक्तपुर जिल्ला महासंघपाखें थःपिनि सगून नीति पैरवी अन्तर्गत नागरिक वडापत्र जारी याःगु दु । शुक्रवाः सूर्यविनायकय् छगू ज्याझ्वःया दथुइ थीथी वन उपभोक्ता समूहया दथुइ उगु नागरिक वडापत्र जारी याःगु खः । नागरिक वडापत्र जारी याःगु ज्याझ्वलय् सामुदायिक वन उपभोक्ता महासंघ ख्वप जिल्ला अध्यक्ष केदार खड्कां असार १४ गतेनिसें शुरु जुइगु केन्द्रीय महाधिवेशनया झ्वलय् उगु वडापत्र जारी जूगु न्ह्यथनादिल ।
नागरिक वडापत्रय् वनलिसें सम्बन्धित फुक्कं अधिकार स्थानीय उपभोक्ताया स्वीकृति मदयेक छुं नं याये मदइगु खँ न्ह्यथनातःगु दु ।
लुमंके बहःजु वन मन्त्रालयं थौंकन्हय् ख्वपया सूर्यविनायक जंगलयात खुल्ला चिडियाखाना कथं विकास यायेगु कुतः यानाच्वंगु दु ।
