पसलय् खुया यंकेवं बजाः बन्द
मकवानपुर / (सन्ध्या टाइम्स) हेटौडाया आपालं पसलय् खुँतय्सं खुयाः दुःख बियाच्वंसां नं स्थानीय प्रहरी प्रशासनं चिउताः मक्यंगु धासें म्हिगः हेटौडाया व्यापारी तय्सं हेटौडाया पसः बन्द याना बिउगु दु ।
हेटौडाय् च्वंगु रावत इलेक्ट्रोनिक्स पसलय् म्हिगः चान्हय् खुँतय्सं २० लाख तका बराबरया ३६० गः मोबाइल खुया यंकूगु खः ।
हेटौडाय् पसः तछ्याना खुइगु ज्या अप्वया वनाच्वंसां नं दुसा वंगु स्वन्हु न्ह्यः जक जालान आइरन एण्ड मेशिनरीया मनोज जालानयात ल्वाभः सहित वःगु पुचलं पेस्तोल क्यनाः ४ लाख ५० द्वः तका लुटे याना यंकूगु खः ।
व्यापारीतय्सं प्रहरीया निष्क्रियताया कारणं खुँज्या डकैती व लुटपाटया घटना अप्वया वनाच्वंगु द्वपं बियाच्वंगु दु । प्रदर्शनया झ्वलय् व्यापारीतय्सं थःपिनि व्यवसायया सुरक्षा जुइमाःगु माग नं याःगु दु ।
