विरामी तनेवं अस्पतालय् तनाव

पोखराय् च्वंगु मणिपाल अस्पतालया आइसियू कक्षय् वासः यानाच्वंम्ह विरामी अस्पतालं आइतवा चान्हय् निसें तनेवं अस्पतालय् तनाव जूगु दु । बिरामीया छेँजःलं डाक्टरतय्सं विरामीयात बिस्कूगु धाःगु दुसाः डाक्टरतय्सं धाःसा विरामी थः हे बिसिवंगु खँ धाःगु दु ।

आईसीयूलय् वासः याकाच्वंम्ह धरान छेँ जुया चिप्लेढुङ्गाय् च्वनावयाच्वंम्ह अनुषा सुब्बा रहस्यमय ढंगं तनेवं विरामीया छेँजःपिंसं विरामी बिस्कूगु धासें अस्पतालया चिकित्सक डा. सुभाष सापकोटायात सोमवाः सुथय् दाःगु खः । चिकित्सकयात दाःगुलिं अस्पतालया चिकित्सक व कर्मचारीतय्सं सुरक्षाया माग यासें अस्पतालया ओपीडी सेवा बन्द याःगु दु । ओपीडी सेवा बन्द जुया बिरामीत मारय् लाःगु दु ।