संविधानसभाया मस्यौदाय् सहलह

थौं च्वंगु संविधानसभाया पूर्ण बैठकय् सांस्कृतिक व सामाजिक ऐक्यबद्धता आधार निर्धारण समितिं तयार याःगु न्हूगु संविधान सम्बन्धी मस्यौदाय् सहलह या:गु दु ।

बैठकय् माओवादी सभासद् झक्कु प्रसाद सुवेदीं जनयुद्धया पलेसा सशस्त्र द्वन्द्व जक च्वया झिंदँया महान जनयुद्धया अपमान याःगु धासें दुःख प्वंकादिलसाः नेपाली कांग्रेसया डा. रामशरण महतं देशय् ह्यूपा जनयुद्धपाखें मखसें जन आन्दोलन पाखें वःगु धासें न्हूगु संविधानय् जनयुद्ध च्वयेमज्यूगु धयादिल ।

अथेहे तमलोपाया चन्दन शाह नं खस भाय् नापं हिन्दी भाय्यात नं सरकारी ज्याखँया भाय् कथं छ्यलेमाःगु धयादिल । नेकपा मालेया सीपि मैनालिं दक्व राष्ट्र भाय्यात सम्मान यायेमाः धासें सरकारी ज्याखँया भाय् खस भाय् जक जुइमाः धयादिल ।