'रोयटस्रं मखुगु खँ प्रचार'
प्रधानमन्त्री माधवकुमार नेपालं वंगु बिहिवाः बेलायती समाचार संस्था रोयटस्रयात ब्यूगु अन्तर्वार्ताय् 'न्याद्व माओवादी लडाकूयात नेपाली सेना समायोजन याइगु' धकाः न्ह्यथंसें प्रकाशित प्रशारित समाचार प्रति प्रधानमन्त्रीया सचिवालया ध्यानकर्षण जूगु खँ धाःगु दु ।
प्रधामन्त्रीया प्रेस सल्लाहकार विष्णु रिजालया कथं प्रधानमन्त्रीं अन्तर्वार्ताया झ्वलय् अज्याःगु खँ गनं न मधाःगु धासें रोयटस्रं मखुगु खँ प्रकाशन याःगु खँ धयादीगु दु । अन्तर्वार्ताया झ्वलय् 'छु छी दक्वं माओवादी लडाकूतय्त नेपाली सेनाय् समायोजन यानादीत तयार दुला ? माओवादी सेनायात गुकथं समायोजन यानादी ?' धइगु न्ह्यसया लिसःलय् प्रधानमन्त्रीं मधाःगु खँ न्ह्यथंनातःगु धासें थुकी ध्यानाकर्षण जूगु खँ धाःगु दु ।
सल्लाहकार रिजालं प्रधानमन्त्रीं न्ववाःगु अडियो व भिडियो निगूलिं टेप आः नं रोयटस्रनाप सुरक्षित दु धासें शुरुइ उगु संस्थां वितरण याःगु सामग्री तथ्यविपरीत जूगुलिं तुरुन्त हे भिंकेतः थःगु वेभसाइटय् तयेधुनाःगु जानकारी बियादिल ।
