जोरपाटीइ नेपाः राष्ट्रिय पार्टीया कचा

येँ / (सन्ध्या टाइम्स) नेपाः राष्ट्रिय पार्टी जोरपाटी गाविस कचा कमिटी नीस्वंगु दु । शंकर श्रेष्ठया संयोजकत्वय् नीस्वंगु उगु समितिया दुजलय् रुपनारायण श्रेष्ठ, भाजुराम श्रेष्ठ, मैंया श्रेष्ठ, सुरेश श्रेष्ठिपं च्वनादीगु दु । कमिटी स्वनेगु ज्याझ्वलय् पार्टीया सभासद् बुद्ध साय्मि व मू छ्याञ्जे विजय सैंजू पाहां कथं झाःगु खः । उगु तदर्थ समितियात लछिया दुने हे कार्य समिति गठन यानाः पूर्ण कमिटी दयेकेगु तयारी जुयाच्वंगु खँ धाःगु दु । पार्टीं थीथी थासय् थःपिनि कचा विस्तार यायेगु ज्यायात तीव्रता बियाच्वंगु नं सीदुगु दु ।