सरकार क्वथलेगु कुतः सफल जुइ मखु
येँ / (सन्ध्या टाइम्स) माओवादीया नेतृत्वय् राष्ट्रिय सरकार गठन सम्भव मजूगु खँ परराष्ट्र मन्त्री सुजाता कोइरालां धयादीगु दु ।
थौं सुथय् चितवनय्रिपोर्टस्र क्लबं ग्वसाः ग्वःगु पत्रकार सम्मेलनय् वय्कलं उगु खँ धयादीगु खः । राष्ट्रिय सरकार माधव नेपालया हे अध्यक्षताय् गठन जुइगु व उगु सरकारय् माओवादीं नं ब्वति काइगु बिचाः नं वय्कलं प्वंकादीगु दु ।
आःया सरकारयात माओवादीं क्वथलेत स्वयांच्वंगु खःसां नं उगु कुतः सफल मजुइगु दावी नं वय्कलं यानादीगु दु । 'थ्व सरकारं संविधान दयेकाः चुनाव क्वचायेकाः जक विदा काइ' वय्कलं धयादिल ।
नेपाः व भारतया सीमा विवादया बारे नापी विभागया आधिकारिक धारणा मवःनिगु धासें आधिकारिक धारणा वयेवं उकियात निष्कर्षय् थ्यंकेगु खँ नं वय्कलं कनादीगु दु ।
