चीधंगु दलपाखें मन्त्री ल्ययेगु जिम्मा प्रमयात
येँ / (सन्ध्या टाइम्स) सरकारय् चीधंगु दलतपाखे सहभागी जुईपं मन्त्रीतय् नां सिफारिस यायेत सीपी मैनालीया समितिं छुं हे निर्णय याये मफयेवं आः उकिया जिम्मा प्रधानमन्त्री माधव नेपालयात हे बिउगु दु । सीपी मैनालीं चीधंगु राजनीतिक दलत लिसे सहलह यानाः नं मन्त्रीतय् नांधलः तयार याये मफयेवं प्रमयात उगु जिम्मा बिउगु खः ।
चीधंगु पार्टीतय्सं निम्ह मन्त्री व निम्ह राज्यमन्त्रीया माग यायेगु लिसें महत्वपूर्ण राजनीतिक नियुक्त यायेगु झ्वलय् थःपिनि नं महत्वपूर्ण थाय् दयेमाःगु माग नं उमिसं यानाच्वंगु दु ।
लिसें चीधंगु दलतय्सं स्थानीय निकायय् नं थःपिनि भूमिका दयेमाःगु माग नं यानाच्वंगु खँ सीदुगु दु ।
