भारतय् चिकंया भाः थकायेगु निर्णय
येँ / (सन्ध्या टाइम्स) भारतं पेट्रोलियम पदार्थय् भाः थकायेगु निर्णय याःगु दु । अन्तर्राष्ट्रिय बजारय् कच्चा चिकंया भाः कुहां वनाच्वंसां भारत सरकारं धाःसा पेट्रोलय् प्रति लिटर नितका व डिजेलय् छतका दां थकायेगु निर्णय याःगु खः ।
भारतीय पेट्रोलियम मन्त्रालयया कथं सार्वजनिक पेट्रोल कम्पनीयात पेट्रोल लगायत डिजेल मचिकं ग्यास मीबलय् न्हिं १३५ करोड तकां दां द्यापं फये मालाच्वंगु खँ धाःगु दु । थुगु द्यापं म्हो यायेगु निंतिं पेट्रोलियम पदार्थय् भाः थकायेत्यंगु खः ।
भारतीय बजारय् चिकं भाः थकायेगु निर्णय यायेवं थुकि लिच्वः नेपाःया पेट्रोलियम बजारय् नं लाइगु निश्चित जूगु दु । अन्तर्राष्ट्रिय बजारय् चिकंया भाः कुहां वयेवं नेपालय् नं उच्च रुपं थहां वंगु पेट्रोलियम पदार्थय् आयल निगमं भाः क्वकाःगु खः ।
