निम्ह उद्योगपति फिरौटी बियाः अपहरण मुक्त
येँ / (सन्ध्या टाइम्स) उद्योगपति संजय सुरेश अपहरणं मुक्त जूगु दु । नांजाःगु उद्योग जगदम्बा स्टीलया संचालक सुरेश वंगु निवाः न्ह्यः कोटेश्वर तीनकुनें अपहरण जूगु खः ।
अपहरणं मुक्त यायेत सुरेशया छेँजःपिंसं निगू लाख अमेरिकी डलर बराबर करीब डेढ करोड दां हुन्डीपाखें दुबईलय् छ्वःगु खः । प्रहरीया कथं ध्यबा छवयेधुंकाः सुरेश म्हिगः छेँ लिहां वःगु खँ ।
अपहरणकारतिय्सं सुरेशयात त्रिपुरेश्वर तक ट्याक्सीइ हयाः त्वःता थकूगु खः ।
अथे हे निवाः न्ह्यः हे अपहरण जूम्ह शारदा ग्रुपया महेश शारदा नं अपहरणकारीयात फिरौटी पुलाः अपहरण मुक्त जूगु दु । तर महेशं फिरौटी वापत गुलि दां बिउगु धइगु खँ धाःसा स्पष्ट याःगु मदु ।
