पलिस्थाया चिनाखँ मुँज्या क्वचाल
येँ / (सन्ध्या टाइम्स) पलिस्था ग्वसालय् नीनिक्वःगु पलिस्था चिनाखँ मुँज्या म्हिगः छगू ज्याझ्वःया दथुइ थनया नेपाल आदर्श मावि क्वचाल ।
नांजाम्ह कवि आनन्द जोशीया सभापतित्वय् जूगु उगु ज्याझ्वलय् अगिब बनेपाली अमीररत्न ताम्राकार अमृतमान शाक्यभिक्षु, इश्वरीमैँया श्रेष्ठ, तुयु पुं, नर्मदेश्वर प्रधान, नीरज 'आँशु' प्रधान, प्रदीपरत्न शाक्य, पुष्परत्न ताम्राकार 'स्वीटहर्ट', पुष्परत्न तुलाधर, बद्री 'वेदना', विमल ताम्राकार, बुद्ध नेवाः, भगतदास श्रेष्ठ, मिलन शाक्य, रामेश्वर श्रेष्ठ 'जलन', शाक्य सुरेन, श्रीराम श्रेष्ठ, समान्त व सुनिल वज्राचार्यिपंसं कविता ब्वना न्यंकादीगु खः ।
ज्याझ्वलय् ब्वंगु कविताया समीक्षा नांजाम्ह समालोचक व प्राध्यापक माणिकलाल श्रेष्ठं यानादीगु खः । ज्याझ्वलय् नांजाम्ह बाखं च्वमि लक्ष्मण राजवंशी व साहित्यकार भूषणप्रसाद श्रेष्ठिपंसं नं न्ववानादीगु खः । पलिस्थाया न्वकु पूर्ण ताम्राकारं लसकुस यानादीगु खःसा दांभिरं तेजनारायण मानन्धरं सुभाय् देछानादीगु खः ।
