लखुतीर्थ दीपया शिलान्यास
येँ / (सन्ध्या टाइम्स) थनया लखुतीर्थय् च्वंगु दीपया पुनःनिर्माण ज्याया शिलान्यास वंगु असार ११ गते संस्कृतिविद् सत्यमोहन जोशीं धार्मिक विधि कथं यानादिल ।
उगु शिलान्यास ज्याझ्वलय् पुलांम्ह मन्त्री अष्टलक्ष्मी शाक्य, येँ मनपाया पुलांम्ह मेयर पी.एल. सिंह, ज्यापु महागुथि येँ महानगर समितिया नायः मोहनकृष्ण डंगोल, एमालेया नेता विदुर मैनालीपिंसं माःगु ग्वाहालि यायेगु बचं बियादीगु दु । ज्याझ्वलय् लखुतीर्थ दीपया बारे सुवर्णमान डंगोलं चर्चा यानादिल ।
मचाम्ह महर्जनया सभापतित्वय् जूगु उगु ज्याझ्वलय् असोक विनायक गुथिपाखे न्यागू लख न्यासः व न्यय्न्यातका चन्दा बिउगु खःसा थीथी दातातय्सं न्यय्द्वः तका चन्दा बिउगु खः ।
