नेवाः स्वायत्त राज्य सम्बन्धी प्रशिक्षण
येँ / (सन्ध्या टाइम्स) नेवाः जागरण माचया विद्यार्थी कवः नेवाः जागरण विद्यार्थी माच व अन्तरक्याम्पस नेपालभाषा साहित्य पालाया ग्वसालय् म्हिगः थनया त्रिचन्द्र क्याम्पसय् नेवाः स्वायत्त राज्य विषयसं छगू प्रशिक्षण ज्याझ्वः जुल ।
नेवाः स्वायत्त राज्य मंकाः संघर्ष समितिया दुजः व नेवाः देय् दबूया संरक्षक मल्ल के. सुन्दरं नेवाः स्वायत्त राज्य छु खः व नेवाः स्वायत्त राज्य छाय् माल धइगु सम्बन्धय् घौछि तक उगु प्रशिक्षण बियादीगु खः । ज्याझ्वलय् चय्म्हं अप्वः विद्यार्थीत सहभागी जूगु खःसा ज्याझ्वलय् जागरण माचया संयोजक सुजीव बज्राचार्य विद्यार्थी माचया प्रमुख सुरेश श्रेष्ठ नेपालभाषा साहित्य पालाःया नायः विकास कर्माचार्यं नं न्ववानादीगु खः ।
