मन्दीं वैदेशिक लगानी कुहां वल
येँ / (सन्ध्या टाइम्स) विश्वन्यंकं आर्थिक मन्दी तःधंगु लिच्वः लाकेवं वैदेशिक लगानीइ नं प्रत्यक्ष रुपं प्रभावित जूगु दु । मन्दीया कारणं वैदेशिक लगानीइ नं बिछं मल्याक कुहां वःगु दु ।
राष्ट्र संघीय व्यापार तथा विकास संस्थां सन् २००९ या न्हापांगु स्वलाया अवधीया इलय् जूगु वैदेशिक लगानीया तथ्यांक कथं थुगु लगानी कुहां वःगु खँ सार्वजनिक याःगु खः ।
संस्थां थुकथंया क्रम पिथनेगु ज्या वंगु दँया लिपांगु त्रैमासिक अविधं शुरु याःगु खः । लिपांगु इलय् नीति निर्मातातय्सं प्वंकूगु प्रतिवद्धता कथं ज्या जूगु खःसा थुकी व्यापक सुधार जुइफुगु संकेत बिउगु दु ।
ब्राजिल, चीन, रसिया लिसें पीस्वंगू राष्ट्रय् प्रत्यक्ष रुपं वैदेशिक लगानी कुहां वःगु खँ प्रारम्भिक अनुमान याःगु दु ।
