जनताया सुझाव व चाहनायात सरकारं पूवंकीगु : प्रधानमन्त्री
प्रधनमन्त्री माधवकुमार नेपालं जनताया सुझाव व चाहनायात सरकारं पूवंकीगु खँ धयदीगु दु ।
आइतवाः येँय् जूगु छगू ज्याझ्वलय् न्ववायेगु झवल्य प्रधानमन्त्री नेपालं थीथी पक्षं ल्ह्वंगु माग व जनताया सुझाव व चाहना कथं सरकार न्ह्यावनीगु व थंज्याःगु मागत सरकारं पूवंकीगु खँ धयादीगु दु । वयेकलं शान्ति व न्हूगु संविधान सरकारया प्रमुख प्राथमिकता जूगु धासें संविधान निर्माण यानाः जनताया चाहन पूवंकीगु दाबी यानादिल ।
सर्गया लः पाखें बुँज्या सम्बन्धि अन्तर्राष्ट्रिय सम्मेलनया येँय् उल्लेज्या यानादिसें प्रधानमन्त्री नेपालं जलवायु परिवर्तनं नेपालय् संकट हइगु सम्भावना दुगुलिं समाधनया निंतिं सरकारं उचित पहल याइगु बिचाः प्वंकादिल ।
अथेहे ज्याझ्वलय् वयेकलं प्रजातन्त्र व मानवअधिकारय् थः प्रतिबद्ध जूगु धासें कानुनी राज्य निर्माण यायेगु पाखे सरकार न्हानाच्वंगु धयादिल ।
