माओवादी पोलिटब्यूरो बैठक सोमवाः तकया निंतिं स्थगित

एकीकृत नेकपा (माओवादी)या आइतवाः च्वनीगु धाःगु पोलिटब्यूरो बैठक सोमवाः तकया निंतिं स्थगित जूगु दु ।

पार्टी अध्यक्ष पुष्पकमल दाहाल 'प्रचण्ड'या कार्यव्यस्तताया कारणं बैठक स्थगित यायेमाःगु खँ माओवादी प्रवक्ता दीनानाथ शर्मां जानकारी बियादिल ।

शनिवाः च्वंगु पोलिटब्यूरोया बैठकय् दक्वं नेतातय्सं अध्यक्ष प्रचण्डया राजनीतिक प्रतिवेदनय् थःथःगु बीचाः त्येगु ज्या सिधेवं नेतातय्सं ब्यूगु सुझाव व टिप्पणीया आधारय् अध्यक्ष प्रचण्डं थौं न्ववायेगु ज्याझ्वः क्वछीनातःगु खः ।

स्थगित बैठक कन्हय् सुथय् च्याता ईलय् कोटेश्वरय् च्वंगु मजदुर भवनय् च्वनीगु जूगु दु ।