यलय् भोटो क्यनः

स्वनिगःया दक्कलय् ताःहाकःगु जात्रा बुंगः द्यःया रथ सालेगु जात्राया झ्वलय् अन्तिम चरणया जात्रा कथं थौं यलया जाउलाख्यलय् भोटो क्यंगु दु । बुधवाः बहनी जउलाख्यलय् बुंग द्यःयात रथ थ्यनेवं जाउलाख्यः या न्याःगु खःसा वयां प्यन्हु लिपा भोटो क्यनेगु चलन कथं शनिवाः सनिलय् भोटो क्यंगु खः । भोटो क्यनीगु ईलय् राष्ट्रप्रमुखया हैसियतं राष्ट्रपति रामवरण यादव, उपराष्ट्रपति परमानन्द झा व प्रधानमन्त्री माधवकुमार नेपालया उपस्थिति दुगु खः ।

थुसी नं थगुने थें रथ क्वदःगुलिं असारया बछि थ्यनालिं हे तिनि जक थौं भोटो क्यंगु खः ।