माओवादीयात नं सरकारय् दुथ्याकेमाः : परराष्ट्रमन्त्री
परराष्ट्रमन्त्री सुजाता कोइरालां माओवादीयात नं सरकारय् दुथ्याकाः न्ह्याः वनेमाःगु बीचाः प्वंकादीगु दु ।
कांग्रेसया भातृ संगठन नेपाल दलित संघया महाधिवेशनया निंतिं चितवन थ्यंकादिम्ह कोइरालां पत्रकारत नाप खँल्हाबंला यानादिसें माओवादी सरकारय् मवसाः ईलय् हे संविधान निर्माण यायेगु ज्या थाकुइफूगु धासें माओवादीयात नं सरकारय् दुथ्याकाः न्ह्याः वनेमाःगु बीचाः प्वंकादिल । कानुमी राज्य निर्माण, शान्ति व अमनचयनया निंतिं न्हूगु संविधान ईलय् हे निर्माण जुइमाःगु धासें कोइरालां शान्ति प्रकृयायात याकनं तार्किक निष्कर्षय् थ्यंकेत माओवादीयात सरकारय् दुथ्याकेमाः धयादिल ।
कांग्रेस सभापति गिरिजाप्रसाद कोइरालां शान्ति प्रकृयाय तार्किक निष्कर्ष थ्यंगु स्वये चाहे जूगु धासें गिरिजाबाबु माओवादीयात नं राष्ट्रिय सरकार निर्माणय् दुथ्याकेत सक्रिय जुइत्यंगु धयादिल । वयेकलं माओवदीयात सरकारय् सहभागि जुया न्हूगु संविधान निर्माण यायेगु ज्याय् ग्वाहालि यायेत इनाप नं यानादिल ।
