शान्ति प्रकृया स्यंकेगु कुतः जुयाच्वंगु दु : प्रचण्ड
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' शान्ति प्रकृयायात स्यंका संविधान निर्माण यायेमबीगु षड्यन्त्र जुयाच्वंगु दाबी यानादिल ।
शुक्रवाः येँय् आदिवासी जनजाति युवा संगठनं याःगु ज्याझ्वलय् न्ववायेगु झ्वलय् अध्यक्ष प्रचण्डं शान्ति प्रकृयायत स्यंकाः हाकनं देया उत्पीडित वर्ग, जाति, क्षेत्र, लिंगयात अधिकार मबीगु षड्यन्त्र जुयाच्वंगु धयादिसें थंज्याःगु षड्यन्त्र झीसं थुइके मफुसाः देय् तःधंगु दुर्घटनाय् लायेफु धयादिल ।
अध्यक्ष प्रचण्डं आः देशय् अलोतान्त्रिक व अप्रजातान्त्रिक तरीकां शासन यायेत स्वयाच्वंगु दाबी यानादिल । वयेकलं थःगु नेतृत्वयात षड्यन्त्रपूर्ण तरीकां क्वथलेगु ज्या जूगु धासें व षड्यन्त्र जीगू विरुद्ध मखसें द्वलंद्व आदिवासी जनजाति व संघियता विरुद्धया षड्यन्त्र जूगुलिं उकीया विरुद्ध ल्वायेत सकसितं तयार जुइत इनाप यानादिल ।
