उच्चस्तरिय राजनीतिक संयन्त्रया नेतृत्व जीं याये : कोइराला

नेपाली कांग्रेसया सभापति गिरिजाप्रसाद कोइरालां सरकार संचालन यायेत उच्च स्तरिय समिति आवश्यक जूगु धासें अज्याःगु समितिया नेतृत्व थम्हं यायेगु खँ धयादीगु दु ।

थःगु हे छेँ संचारकर्मीत नाप खँल्हाबंला यानादिसें सभापति कोइरालां थंज्याःगु समिति दक्वं दलत दुथ्याकेमाःगु बिचाः तसें माओवादी नं थुकी च्वनेमाः धयादिल । वयेकलं लिपांगु ईलय् माओवादी अध्यक्ष नापया खँल्हाबंलाय् प्रचण्ड सकारात्मक जूगु धासें माओवादीं नं थुगु समिति च्वनी विश्वास प्वंकादिल ।

सहमति, सहकार्य व एकताया बलय् देय् शान्ति प्रकृयाया लिपांगु चरणय् थ्यंगु धयादिसें दक्वं पक्ष मिलेजुया वंसाः नेपाःयात सुनां नं छुं धाये मफइगु बिचाः प्वंकादिल । वयेकलं सुयातं ब्व:बिया नेपाःया राष्ट्रियता बल्लाइमखु धयादिल ।