प्रधानमन्त्रीं सैनिक अधिकारीतय्त नापलात

प्रधानमन्त्री माधवकुमार नेपालं नेपाली सेनाया उच्चअधिकारीतय्त नापलानाः सेनाया संगठनात्मक संरचनाया बारे खँल्हाबंला यानादीगु दु ।

शुक्रवाः प्रधानमन्त्री ज्याकू सिंहदरवारय् प्रधानसेनापति रुक्मांग कटवाल सहित सेनाया उच्च अधिकारीतय्गु पुचः नाप सेनाया लिप्पांगु स्थिति व शान्ति सुरक्षाया विषयस सहलह जूगु खँ प्रधानमन्त्रीया प्रेस सल्लाकार विष्णु रिजालं जानकारी बियादिल ।

सेनाया उच्च अधिकारीतय्सं प्रधानमन्त्री व मन्त्रिपरिषदया दुजःतय्त सेनाया संरचनात्मक ढाँचा, देय्या लिप्पांगु शान्ति सुरक्षाया अवस्था, नेपाली सेनाया स्थिति लगायतया बारे जानकारी ब्यूगु खः ।